Gemeente Info
NG Quellerina bedien 1300 lidmate aan die Wes-Rand uit veral die woongebiede Florida Glen, Quellerina, Florida-Noord, Bergbron en Northcliff x25. Ander lidmate (50%) kom van wyd oor die Wesrand en omstreke.
Die ronde siersteen kerkgebou in Langelaan 81, Florida Glen is ’n duidelike landmerk langs die N1-snelweg naby die Gordonweg-afrit
“Ons leef liefde”: dis ons leuse en doelwit, nl. om God se liefde uit te leef in woord en daad.
Sondae 9:00 is daar 3 spesiale dienste
- Die erediens vir volwassenes het ‘n warm atmosfeer en praktiese, verstaanbare preke. Ons benut multimedia en maak ruimte vir klassieke en kontemporêre musiek
- Die Jeugdiens vir gr.4-6 is kategese, cool diens en lekker musiek alles in een, in ‘n moderne jeuglokaal.
- Die Kinderkerk laat 3 jariges tot gr.3 kerk regtig geniet.
Sondagaand 17:30 is ‘n jeugdiens, JAM, vir gr.7-12 saam met Waterval en Greymont-gemeentes. Dis kategese, cool diens en lekker musiek alles in een, met kuier agterna.
Ons maak ‘n verskil in ons omgewing deur verskeie hulp- en ontwikkelingsprojekte, veral in Claremont, waar onder andere ‘extreme makeover’ van huise aan behoeftiges nuwe selfrespek gee. MobieG, ‘n beradingsdiens vir jongmense via MXit, bereik BAIE kinders in nood
Dr Henk Gous en ds Henk Theart is tans leraars, Barry Nelson gemeentebestuurder, Gerda Day saakgelastigde, Stephne Crouse jeugdirekteur, Alma Botes musiekdirekteur en Hester Potgieter Claremont-projekleier.
